Pidhato Pengetan Nabi Muhammad

Assalamu’alaikum warahmatullahi wabarakatuh

Bismillahirahmanirahim, alhamdulillahirabbil’alamin, wabihinasta’inu ‘alaumuriddunya waddin, washalatuwassalamu’ala asyrafil anbiyaiwalmursalin wa’ala alihi washahbihi ajma’in, amma ba’du.

Ibu Camat Klaten Utara ingkang kula kurmati

Ketua RW saha RT ingkang kula kurmati

Bapak saha ibu ingkang kula kurmati

Saha rencang-rancang pemudha-pemudhi ngkang uga kula kurmati

Kagem purwakaning atur, mangga kita sareng-sareng ngaturaken syukur wonten ngarsa dalem Allah SWT, amargi sampun maringi kita kanikmatan saha kasarasan, temahan kula saha panjenengan sami saged rawuh wonten adicara punika.

            Shalawat tuwin salam kita unjukaken dhumateng junjungan kita Nabi Muhammad SAW. Mugiya kita pikantuk syafa’atipun bidunya hadal akhirat.

Mboten kesupen para rawuh ingkang tansah kawula kurmati,

Sakderengipun pidhato kula wiwiti, kula badhe nembang 1 sekar macapat, sumangga sami dipun midhangetaken:

p=ku/

mi=k/mi/ku/ai=a=kr

akrnkrennM/disiwi

sinwu=resMini=kidu=

sinubsinuk/t

m]ihk}t/t

pk/tini=[zlM|luau=

k=tumRpHi=tnhjw

agmagemi=aji

Mingkar-mingkur ing angkara

Hakarana karenan mardisiwi

sinawung resmining kidung

sinuba sinukarta

mrih kretarta

pakartining ngelmu luhung

kang tumrap ing tanah jawa

agama ageming aji

            Para rawuh ingkang tansah kula mulyakaken, ngilmu punapa ingkang kamomot wonten ing salebetipun sekar kala wau?

            Tembung pangkur punika saking tembung pungkur utawi mungkur ingkang ateges ngiwakaken utawi sampun ngepengkeraken. Gamblangipun, pangkur punika nggadhahi teges ngajak ajak sumangga sami nebihi hawa nafsu ingkang wonten ing kita sedaya, inggih punika nebihi nafsu angkara murka ingkang kedah kita budidaya kanthi saestu. Mliginipun wonten pengetan dinten Maluid Nabi punika, sumangga kita saksaged-sagedipun sami nuladha dhateng tindak tandukipun Nabi ingkang sae lan mugi-mugi kita tebih saking angkara murka.

Para rawuh ingkang minulya,

Kula, minangka Ketua Karang Taruna Kampung Dadimulyo, ngaturaken sugeng rawuh lan agunging panuwun dhumateng panjenengan sadaya ingkang sampun kersa paring wekdal saha ngenthengake salira saperlu ngrawuhi wonten papan palenggahan punika kangge mengeti Adicara Pengetan Maulid Nabi Muhammad SAW.

Kula ugi ngaturake panuwun dhumateng ketua panitia ingkang sampun ngoordinasi anggota panitia temahan adicara punika saged katindakake kanthi sae. Perlu kawuningan bilih ingkang dados anggota panitia wonten adicara punika inggih punika pemudha-pemudhi anggota Karang Taruna Kampung Damimulyo.

Pramila, kula uga matur panuwun dhumateng panitia wonten adicara punika ingkang sampun nindhaake tanggung jawabipun kanthi sae. Temahan adicara Peringatan Maulid Nabi Muhammad, ingkang mapan wonten plataran Masjid Al Muttaqin Dadi Mulyo punika, kita ajab mugi-mugi saged katindhaake kanthi sae. Amin.

Hadrotal mukaromin rahimakumullah

Kados ingkang sampun kula aturaken wonten ing ngajeng kala wau, ingkang dados anggota panitia wonten adicara punika inggih punika pemudha-pemudhi anggota Karang Taruna Kampung Dadimulyo. Kula minangka Ketua Karang Taruna rumaos Mongkog amargi nggadhahi rencang-rencang ingkang sampun saged ngurusi adicara kados punika lan taksih migatosaken marang dinten-dinten agung wonten agama kita sedaya.

Sampun dados programipun karang taruna, bilih ingkang dipun dadosake panitia wonten ing pinten-pinten adicara wonten ing Kampung Dadimuyo, inggih punika mudha mudhi karang taruna. Dene ancasipun program kasebat inggih punika kangge nglatih supados para mudha-mudhi Kampung Dadimulyo mandiri lan saged nggantosi perananipun sarta nerasaken pakaryan tiyang sepuh. Dene tiyang sepuh kedah dipun gantosi dening generasi mudha. Pramila, kula ugi matur nuwun dhumateng para pemudha utawi pemudhi ingkang gadhah kapinteran, kaluwihan, saha ketrampilan, sampun kersa nuladhani keahlian utawi kerajinanipun dhumateng  rencang-rencangipun. Temahan sedaya anggota karang taruna gadhah keahlian utawa ketrampilan. Kanthi keahlian utawi ketrampilan punika, para mudha sedaya saged pikantuk kauntungan, inggih punika saged ngisi wekdal kosong kita kanthi nindakaken pakaryan ingkang positif.

Para rawuh ingkang tansah kawula kurmati,

Wonten wulan Mulud punika, Karang Taruna Kampung Dadimulyo badhe nindhakaken satunggaling program keagamaan inggih punika “Pemudha Mesjid”. Para mudha anggota karang taruna dipun aturi rawuh wonten mesjid ing Kampung Dadimulyo, ingkang saperlu ngawontenaken acara maos kitab Al Barzanzi. Kanthi acara punika, kaajab para pemudha lan pemudhi saged tuwuh raos tresna dhumateng Kanjeng Nabi Muhammad SAW. Kula minangka generasi mudha nguwatosaken dhumateng iman lan akhlak generasi mudha wekdal sapunika. Umumipun wonten Indhonesia, wonten Negara kita, kathah sanget kasus-kasus mudha-mudhi . Pramila kanthi program–program keagamaan kadosta program kasebat, generasi mudha saged dipun wastani Kampung Dadimulyo, inggih punika saged dipunarep-arep lan dumadi mulyo.

Muslimin lan muslimat rahimakumullah

Kanthi program-program Karang Taruna ingkang kawula sebat ing ngajeng, para mudha Karang Taruna dipun ancas kedah saged mendhet hikmahipun. Pemudha-pemudhi Kampung Dadimulyo saged mandiri, saged nerasake pakaryaning tiyang sepuh, saged nggantosi perjuanganipun tiyang sepuh kangge majengaken Kampung Dadimulyo. Lan boten kasupen, para mudha saged dados tiyang ingkang taqwa dhumateng Gustinipun.  Ing pungkasanipun, mugi-mugi pemudha-pemudhi kita saged mbumbung dhuwur asma Dadimulyo tuwin ndadosake sae lan majengipun Kampung Dadimulyo.

Para rawuh, kakung miwah estri,

Cekap semanten atur kawula, mbok bilih wonten atur saha subasita ingkang boten trep kaliyan manah panjenengan sami, saestu kula nyuwun gunging pangapunten.

Iwak sepat kecemplung ing santen. Sedaya lepat nyuwun pangapunten. 

Akhirul kalam, wabillahitaufiq wal hidayah,

Wassalamu’alaikum Warahmatullahiwabarakatuh.